Былыр-былыргыттан көс эбэҥкилэргэ кыамматтарга,ыарахан түгэҥҥэ түбэспиттэргэ көмөлөһөр  айылҕа суруллубатах сокуона буолар.Ол да иһин былыр кыамматтарга көмөлөһөр элбэх утуөлээх-өҥөлөөх   меценат Ырыган Куруступуорка-Христофор Семенович Семенов туһунан норуокка киэҥник биллэр, суруллар,кэпсэнэр. 2000-с са5аланыыларыгар уп-харчы кырыымчык сылларыгар , «Өлөөн-ТВ» тэрийиилэринэн элбэх телемарафоннар ыытылланнар эмтэнэ барар о5олорго, Ленскэй куорат,Дьааҥы оройуона  халаан уутуттан   эмсэ5элээбиттэригэр Өлөөн дьоно бары биир киһи курдук ичигэс таҥаһынан,бородууктанан,малынан-салынан,харчынан көмөлөспүттэрэ.

Бүгүн эмиэ Өлөөммүт дьоно быйылгы халаан уута Нам,Өлүөхүмэ  оройуоннарын нэһилиэктэригэр  дьон олорор дьиэлэрэ,хаһаайыстыбалара, сүөһүлэрэ ууга баран улахан хоромньу тахсыбытын сүрэхтэригэр чугастык ылынан өрөспүүбүлүкэ дьонун кытта биир санааланан көмө оҥорон саҕалаатылар. «Эмсэҕэлээбит дьоҥҥо кэмигэр өйөбүл буолан кемелеьуу-биьиги сүрүн сорукпут.Уопсай сүбэнэн дьоммутугар өйөбүл буолуохпут», — диэн Ил Дархан Айсен Николаев эттэ.
«Норуот кууьэ-кемуел кууьэ» ,диэн мээнэҕэ эппэттэр,уу таһыма туьээтин ууга барбыт дьиэлэри чөлүгэр туьэрии улэлэрэ хайы-уйэ са5аланнылар, ереспуубулукэ дьоно бары кемелеьер, алдьаммыт муосталар еремуеннэнэллэр, волонтердар субуотунньуктаан ыраастааьын улэтэ барар,өрөспүүбүлүкэ араас муннуктарыттан бэрт элбэх араас көмө киирэ турар.

Оройуоннааҕы култуура салаатын улэьиттэрэ оройуоҥҥа  бастакынан көҕүлээн бээьээ көмө харчы хомуйуу саҕаланна. Аһымал акция5а маны таһынан муниципальнай оройуон коллектива ,Сугулаан депутаттара, Өлөөн МУП тэрилтэлэрэ харчынан а5алан анал хамыыһыйа5а туттардылар. Хаһан да буоларын курдук аан бастакынан ветераннар көмө киллэрэллэр, Виталий,Светлана Дмитриевтэр,Татьяна Семеновна Кычкина,Ибарура Кононовна Павлова,Бетту Ульяна Максимовна көмөлөрүн биир бастакынан ыыттылар.