Иван Спиридонович Жараев аатынан СӨ норуоттарын аудиовизуальнай киинэ (дир.Москвитин С.И.) Быйыл 2025 сыл Россия бэрэсидьиэнэ В.В.Путин «Дойдуга аҕа дойду көмүскээччи», Ил Дархан А.С.Николаев » Ийэ дойдуну көмүскээччи», Култуура уонна духуобунай сайдыы миниистирэ А.И.Ноев «Үйэтитии» сылынан биллэрбиттэрэ. Улуу Кыайыы 80 сылынан аудиовизуальнай киин пуондатыгар баар, эрдэ дьон көрүүтүгэр элбэхтик тахсыбатах Кыайыы парадтара уонна мунньахтара уһуллубут докумуоннарын дьоҥҥо көрдөрөр сыаллаах «Подвиг в каждом кадре» диэн фестиваль тэрилиннэ. Любительскай- бэйэлэрэ баҕаларынан устан үйэтиппит 70-80 сыллардааҕы киинэ докумуоннар фестивальга дьүүллүүр сүбэ көрүүтүн аастылар. Манна 100- тэн тахса киинэ докумуон баарыттан 12 улуустан кэлбит киинэ докумуон лауреат аатын ылла. Быйыл Үйэтитии сылынан Оленек-ТВ урукку дириэктэрэ Ларионова Вера Давыдовна урукку видеофонданы оцифровкалаан, ордук историческай суолталаах киинэ дкумуоннары биһиги аудиовизуальнай кииммитигэр аҕалан туттарбыта. Олор истэригэр фотограф Григорьев Д.А.уьулбут Кыайыы 30 сылын Парада саҥата суох пленка5а уьуллубутун ордук суолталааҕынан конкурс лауреата аатын ылла.Бу сюжеты В.Д.Ларионова оцифровкалаан, монтажтаан,муусукалаан таҥан конкурска киирдэ,Вера Давыдовна5а махталбытын биллэрэбит..
Билигин «Өлеен» ТВ урукку устуулара экспертиза көрүүтүгэр киирэргэ бэлэмнэнэр.
Ытыктабыллаах Өлөөн улууһун дьонугар-сэргэтигэр кэлэн иһэр Саҥа дьылынан эҕэрдэбитин ыытабыт! Инникитин бу курдук үйэлээҕи өрө тутан, кэлэр кэнчээри ыччаппытыгар үгүһү хаалларарга үлэлиэххэйиҥ!
Марина Винокурова Республикатаа5ы аудио-видео Киин сүрүн методиһа.