76 сыл анараа өттүгэр эбэҥки таҥаһа таба тириититтэн, тыһыттан тигиллибит эр киһи кэмпилиэгэ билигин даҕаны киһи хараҕар саҥалыы көстөр. Бу хаартыскаҕа көрөр таҥаспыт Иосиф Виссарионович Сталин 70 сааһыгар 1949 сыллаахха Саха сирин аатыттан бэлэх туттарыллыбыт. Бу таҥаһы илиитигэр талааннаах Сталин колхоз үлэһитэ Прасковья Николаевна Николаева тикпит.
Бу бэлэх билигин Москваҕа Арассыыйа саҥа историятын киин судаарыстыбаннай түмэлигэр хараллан ууруллан турар. Бу саамай улахан түмэл учуоттуур дөкүмүөнүгэр: “ Якутский национальный костюм из оленьего меха, коричневый с белой отделкой. Костюм состоит из дохи, одной пары унт, одной пары рукавиц и шапки. Сшила костюм 57-летняя колхозница колхоза имени Сталина Прасковья Николаевна Николаева”. Саха сирин делегацията биэрбит буолан “якутский национальный костюм” диэбиттэрэ буолуо диэн сабаҕалыыбыт.
Бу суруйбуттарын курдук бу бэлэҕи Дьэлиҥдэ олохтооҕо көмүс тарбахтаах иистэнньэҥ Прасковья Николаевна тикпит эбит, кини Алена Егоровна Уваровская эбээтэ, уоппускаҕа дьиэ кэргэнинэн сынньанар кэмнэригэр оҥостон бу түмэлгэ сылдьан эбээтэ тикпитин илэ хараҕынан көрөн дууһата уоскуйдаҕа, санаата туоллаҕа.
Өлөөн оройуонун илиитигэр талааннаах иистэнньэҥ Прасковья Николаевна 76 сыл анараа өттүгэр тикпит таҥаһа күн бүгүнүгэр дылы уос-номоҕо, история кэрэһитэ буолан көлүөнэттэн көлүөнэҕэ бэриллэ турдаҕа, биһиги Өлөөннөр киэн туттуубут.
Норуот историята төһөнөн былыргы да, соччонон мындыр, модун буолар. Көс олох кытаанах ирдэбилэ үйэ саас тухары бэйэтин олохтоммут туспа үөрэ5ин оҥорон хаалларда5а. Хотугу норуоттар элбэх үйэлэргэ таҥаһы-сабы, туттар тэрили тулалыыр айыл5аттан оло5уран ситимнээн, ойуулаан-оһуордаан, көрөргө кэрэ, тупса5ай гына оцорон билиҥҥи култуура5а холбоотулар. Өбүгэ саҕаттан бэриллэн, харыстанан кэлбити үйэтитэр, утуму салҕыыр, билэрбитин тарҕатар, көрдөрөр ытык иэс диэн дириҥ өйдөбүл баарын умнубаппыт. Ол иһин өбүгэ таҥаһын тигэргэ былыргылыы, быһыытын уларыппакка, баарынан оҥостон – тиктэн үүнэр көлүөнэҕэ билиһиннэрэр сыаллаахпыт. Билигин бу Сталиҥҥа бэриллибит таҥаһы үтүгүннэрэн нэһилиэкпит олохтоохторо тигэн, дьон дьүүлүгэр кулун тутар 5 күнүгэр таһаарыахтаахпыт. Өбүгэ таҥаһын үйэтитээччи, тарҕатааччы, салҕааччы илиилэригэр талааннаах дьоммут Эһиги буолаҕыт.
