Төрөөбүт төрүт тыл күнүгэр Өлөөн Ытык кырдьаҕаһа эҕэрдэ тутта
Быйыл Анна Ивановна Тимофеева 95 сааһын туолбут үбүлүөйдээх кэрэ-бэлиэ түгэнинэн, урут бииргэ үлэлээбит кэллиэгэлэрэ итии-истиҥ эҕэрдэлэрин анаатылар.
Кини, 1954 сыллаахха “Сардаҥа” хаһыат күн сирин көрүөҕүттэн саҕалаан биэнсийэҕэ тахсыар диэри сырдык сыратын, элбэх күүһүн-уоҕун ууран туран суобастаахтык типографияҕа үлэлээбит Өлөөн оройуонун биир баар-суох бочуоттаах аарыма кырдьаҕаһа буолар.
Аарыма эбээ кэлбит ыалдьыттары үөрэ-көтө көрсөн, махталын биллэрэн “Зимняя дорога (https://vk.com/wall-212343223_1871)” диэн А.С. Пушкин хоһоонун өйүттэн ылан ааҕан иһитиннэрдэ.
