Алтынньы ый 1 күнүгэр, Өлөөн оройуонатөрүттэммитэ 90, Испирдиэн Боескоров төрөөбүтэ 120 сылларыгар аналлаах бастакы кинигэ сүрэхтэниитин үөрүүлээх арыллыытын театрализованнай дьүһүйүүнэн саҕаланна.
Кинигэ сүрэхтэниитэ Өлөөммүт төрөөбүт күнүгэр ыытыллыбыта олус кэрэхсэбиллээх. Кинигэ уопсайа биэс түһүмэхтэн турар. Бастакы түһүмэххэ Спиридон Ксенофонтович Боескоров диэн кимий? – диэн ыйытыытыгар бэйэтэ чинчийэн көрдөөн хоруйун булбут хос сиэнэ Мичийэ Яковлева эссетиттэн сиэттэрэн, эһэтин олоҕун, үлэтин кэрчиктэрин тус илиитинэн бичийбит суруктарын, баартыйа эппиэттээх үлэһиттэрэ биэрбит характеристикалара киллэриллибит. Иккис түһүмэххэ кимтэн кииннээҕин, хантан хааннааҕын кэпсиир төрүччүтэ бииргэ төрөөбүттэрин, кинилэр утумнарын итиэннэ дьиэ кэргэттэрин, хаан-уруу сыдьааннарын билиһиннэриини аахтыбыт. Үһүс түһүмэххэ Өлөөн оройуонун уруккута уонна билиҥҥитэкөрдөрүллэр. Маныаха С.К.Боескоров 1947 с. суруйан хаалларбыт оройуоммут устуоруйатын, экэниэмикэтин тустарынан летопиһын билиҥҥи Өлөөн оройуонун сайдыытын кытта тэҥнии тутан ааҕарга табыгастаах буоллун диэн холбуу туттуллубут. Төрдүс түһүмэххэ С.К. Боескоровыистиҥник саныыр дьон ахтыыларын, суруйууларын түмэн киллэриллибит. Бүтэһик бэһис түһүмэх Боескоров С.К. сырдык аатын үйэтитиигэ ыытыллар тэрээһиннэргэ анаммыт.
Бу кинигэҕэ 14 ахтыылар, ыстатыйалар, ол иһигэр бэйэтэ 1954 сыллаахха Сталин аатынан колхозка үлэлии сылдьан Сардаҥа хаһыакка суруйбут биир ыстатыйатын булан угуллубут.
Боескоров С.К. аатын үйэтитиигэоройуоммутугар ыытыллыбыт тэрээһиннэр:
— 1967 сыллаахха сэтинньи ый 2 күнүгэр Өлөөн сэлиэнньэтин биир сыантыр уулуссата, уруккута Колхознай уулусса Спиридон Ксенофонтович Боескоров аатынан ааттаммыта.
— 2005 сыл алтынньы 22 күнэ. Өлөөн орто оскуолатын дьиэтигэр Өлөөн оройуонун төрүттэммитэ 70 сылыгар, Боескоров Спиридон Ксенофонтович төрөөбүтэ 100 сааһыгар аналлаах «Спиридон Ксенофонтович Боескоров – Өлөөн оройуонун төрүттээччитэ уонна оройуон историятын маҥнайгы суруйааччыта» диэн ааттаах бастакы оройуоннааҕы научнай-практическай конференция аанын аспыта.
— 2005 сыл алтынньы ый 26 күнүгэр Өлөөннөөҕү оҕо музыкальнай оскуолатын дьиэтин иннигэр, билигин олохтоох дьаһалта турар сиригэр улууспут тэриллибитэ 70 сылын көрсө, улууспут тэриллэригэр сүҥкэн кылааты киллэрбит Спиридон Ксенофонтович Боескоров 100 сааһын туолуутугар аналлаах мемориальнай дуосканы арыйыы үөрүүлээх быһыыга-майгыга ыытыллыбыта.
— 2023 сылтан биһиги уруу-аймах Эһээбит аатынан оскуоланы бүтэрбит оҕолорбутугар, сиэннэргэ анал истипиэндьийэ олохтообуппут. Ол курдук, бастакы эһэтин истипиэндьийэтин ылбыта Женя Иванов, онтон 2024 сылга Юлиана Никифорова, Эрэл Семенов, Вольдемар Еремеев, Милена Иванова, Дима Дмитриев (Убояков), Алик Убояков, Матвей Топоров үөрүүлээх туоһу суругунан уонна харчынан бириэмийэнэн наҕараадаламмыттара.
— Бастакы Боескоровскай дьыктаан, 2025 сыл муус устар 24-25 күннэрэ. Өлөөн оройуонун төрүттэспит, бастакы суруксут Спиридон Ксенофонтович Боескоров төрөөбүтэ 120 сылыгар, Өлөөн эбэҥки национальнай оройуон 90 сыллаах үбүлүөйдээх сылыгар аналлаах бастакы Боескоровскай дьыктаан ыытылынна.Тэрийээччи Өлөөннөөҕү киин библиотека, көҕүлээччи С.К. Боескоров сиэнэ ЭльвираЯковлева.
— Өйтөн суруйууга уопсайа 209 киһи кыттыыны ылла, Өлөөнтөн, Харыйалаахтан, Дьэлиҥдэттэн, Ээйиктэн уонна ыраах Сургуулуктан. Ол курдук, уопсай түмүгүнэн маннык буолан таҕыста: 12 элбэх бааллаах – 12 киһи, 13 бааллаах – 3 киһи, 14 бааллаах – 5 киһи.
— Быйыл үөрүүлээх тэрээһиннэр чэрчилэринэн Өлөөн нэһилиэгэр С.К.Боескоров аатынан уулуссаҕа бастакы саҥа үс этээстээх, толору хааччыллыылаах таас дьиэлэрбит тиэргэнигэр Испирдиэн Боескоровка бүүс туруоҕа.
Бу тэрээһини С.К.Боескоров сыдьааннара сиэннэрэ, хос сиэннэрэ бары үөрэ-көтө, астына бу тэрээһини ыыттылар.
Ульяна Никифорова, [06.10.2025 19:20]
Хос сиэнэ чинчийэн, чочуйан Мичийэ Яковлева НПК-ҕа, онтон култуура салаата “Төрүччүнү” хомуйан киэҥ эйгэҕэ таһаарбытыттан саҕалаан, улахан үлэни биэс сыл хомуйан, таҥан, сааһылаан Эльвира Яковлева бу улахан кинигэнибэчээттэтэн, биир умнуллубат түгэни — Өлөөн олохтоохторугар үбүлүөйүнэн бэлэх уунна.
Маннык үтүө үгэс, Өлөөн оройуона сайдарыгар үлэлээн ааспыт дьоммутун, үгэстэрбитин көлүөнэттэн көлүөнэҕэ тиэрдэ сылдьыаҕыҥ! Олох үөрүйэхтэригэр, бэйэбит холобурбутунан кэнчээри ычччаттарбытын уһуйуоҕуҥ, олорон ааспыт дьоммутун үтүө ааттарын үйэтитиэҕиҥ, төрдү-ууһу билиһиннэриэҕиҥ, аҕа саастаах дьоммут кэпсээннэрин сурукка тиһиэҕиҥ, үйэтитиэҕиҥ! Дьоллоох доруобай буолуҥ!
