Дьоллоох Туймаада килбэйэр киинигэр 3 күн иннинэ Ыһыаҕы тэрийээччилэр Ээйиктэн төрүттээх айылҕаттан айдарыылаах Айыы Далбар Хотуна Күнээйиктиин Өлөөн оройуонун 90 -сылыгар анаммыт Ытык Сэргэни Өлөөн түһүлгэтигэр анньан Үрдүк Аар тойон таҥараҕа, Айыыһыттарга сүгүрүйэр сиэр-туом толорулунна.
Улуу Туймаада «Үс Хатыҥ» түһүлгэтигэр 2025 сыл, бэс ыйын 28 күнүгэр, 13:00 чаастан Уйгулаах Улуу Туймаада Ыһыаҕын олохтуу Ытык Өлөөн Өрөгөй түһүлгэтигэр ыраахтан-чугастан, эдэр да, эмэн да Ытык Өлөөн сириттэн төрүттээх бар дьоммутун нэһилиэк нэһилиэк аайыттан, куораттартан, улуустартан, араас атын омуктартан мэлдьи саныы сылдьар биир дойдулаахтарбытын, умнубакка ытыктыыр уруу – аймах дьоннорбутун, өрүү эҕэрдэлэһэ көрсүһэр, күүс – көмө буолар үтүө доҕотторбутун, үйэлээҕи үксэтэр, кэрэни кэрэһэлиир үөлээннээхтэрбитин үөрэ – көтө түмтүбүт.
Халыҥ Харыйалаахтан хаан таттарыылаах,
Дьэлиҥдэттэн соргулаах,
Өлөөнтөн өрөгөйдөөх,
Ээйиктэн этиттэриилээх,
Өбүгэ саҕаттан өһүөлээх
Табаһыт бастыҥа дьоннордоох
Баһылай Ыстапаанаптардаах
Доруобуйа харыстабылын профессора
Иннокентий Винокуровтаах,
Ньукулай Винокурап суруйааччылаах,
Ымыылаах ырыаһыт кыргыттардаах
Үҥкүү, муода айааччылардаах
Үрдэл сиргэ олохтоох Өлөөммүт оройуонуттан,
Бэртээхэйдиир дьоннордоох
Ытык-мааны ыалларыттан
Ыллам-сайаҕас ыччатыттан
Барыгытыгар урааҥхайдыы уруй,
Сахалыы саргы!
Дьоһун – мааны ыалдьыттарбытын, оҕо – аймах дьоммутун эдэрдэри – эмэннэри, ыраах — чугас доҕотторбутун бары бииргэ түмэммит Алгыстаах сэргэни анньан дьаарбаҥнара арчылаах, кылыһахтаах тойуктаах, оһуордардаах хоһоонноох, ойор-тэбэр оһуокайдаах оонньууну, көрү оройуттан ылан, көҕүлүттэн тутан Өлөөн түһүлгэтигэр Өлөөн оройуонун нэһилиэктэриттэн төрүттээх, биир дойдулаахтар сахалыы таҥастаах түөлбэлэрин дьонун кытта сэлэлии хааман — параадтаан киирииттэн саҕаланна.
Дохсун ытыс тыаһынан доҕуһуолланан Дьэлиҥдэ, Кирбэй, Өлөөн, Ээйиктэн төрүттээх биир дойдулаахтарбытын уруйдаан-айхаллаан көрүстүбүт.
Ыһыах ыһар түһүлгэбитин Өбүгэбит сиэринэн, түптэ буруо таһааран арчылаан, Өлөөн нэһилиэктэрин 9 Далбар Хотуттара, чуораанчыктаах түһүлгэни эргийэн киирэн бэлэм турар түптэлэрин уматан арчылыыр кэмнэригэр, Өлөөн нэһилиэктэрин Кэрэ Куолара кытыан буруотунан түһүлгэни ыраастаатылар. Үбүлүөй түһүлгэтигэ сылаастык тунуйда түптэ буруота,сырдык санаа, уруй айхал үрдээтэ. Самаан сайыммыт ыһыаҕа ньиргийдэ!
Алгыс тыллара хас биирдии дьиэҕэ этэҥҥэ буолууну аҕаллыннар, Аҕа дойдубутун көмүскүүр буойуннарбытыгар кыайыыны түстээтиннэр. Ыһыах сырдык күүһэ өрөспүүбүлүкэбит уонна Улуу Арассыыйабыт туһугар үлэлииргэ – хамсыырга, айарга тутарга көҕүлээтин!- диэн туранӨбүгэлэрбит үгэстэринэн кыынньар кымыс утаҕынан биир дойдулаахтарбыт утахтарын ханнаран, алгыс тыллаах чороону айхалынан
көтөхтүлэр, алаадьыннан күндүлээтилэр.
Өрө үллэр сүүрүктээх Өлөөн Эбэ Хотунтан,барҕа баай быйаҥнаах, туундара Хоһуун дьонун ыччатыттан,үйэ дуораана буолбут Үрэн Хоһуун сыдьааннарыттан, үүнэр-сайдар кэскиллээх, киэҥ дэлэй санаалаах кэнчээри ыччатын аатыттан «Өлөөн эбэҥки национальнай оройуон» Баһылыгар Лена Степановна Ивановаҕа энчирээбэт эрчими, көҕүрээбэт күүһү биэрдин, чэгиэн чэбдик туругу, этэҥҥэ буолууну, ситиһиилэри баҕаран туран Барҕа – Баһыыба тылларын анаан, Үрүҥ тунах ыһыах арыллыбытынан «Өлөөн эбэҥки национальнай оройуон» баһылыга Лена Степановна Иванова аатыттан Василиса Михайловна Спиридонова эҕэрдэтин тиэртэ уонна «Өлөөн эбэҥки национальнай оройуон» баһылагын аатыттан Бочуотунай Грамолар, Махтал суруктары туттарда уонна Ыһыах Ытык күнүнэн эҕэрдэлээн туран музыкальнай эҕэрдэтин тиэртэ «Ил Түмэн» Государственнай мунньаҕын народнай депутата Елена Голомарева.
Оһуохай түһүлгэтин иилээн – саҕалаата Дьэлиҥдэттэн «Аарык» Этнокультурнай Киин уус-уран салайааччыта Сандаара Протопопова уонна Алексей Николаев – Саха Республикатын культуратын туйгуна, Өлөөн оройуонун культуратын бэтэрээнэ.
Күндү доҕоттоор! Ытык Өлөөн түһүлгэтин Ыһыаҕа суон сурахтаах буоларыгар үлэлээбит-хамсаабыт, Өлөксөй Кулаковскай аатынан Норуоттар доҕордоһууларын Дьиэтигэр Өлөөн үбүлүөйдээх түһүлгэтин төрүттүүр бэлэмнэниигэ кыттыбыт,бары Өлөөн оройуонун нэһилиэктэриттэн төрүттээх, Өлөөҥҥө үлэлээбит-хамсаабыт үтүө-мааны дьоммутугар Барҕа — Баһыыба буолуохтун!
Үбүлүөйдээх түһүлгэни төрүттээбит суолдьуттарбыттыгар:
1.Евдокия Уваровскайаҕа – Өлөөн;
2. Дмитрий Федотовка – Өлөөн;
3.Дая Иванова – Софроноваҕа – Кирбэй;
4.Родион Караваевка – Өлөөн.
Ыһыах сиэрин-туомун түһүмэхтэрэ: I түһүмэх«Ыалдьыттары көрсүү»
1. Валерий Семенович Семенов — Дьэлиҥдэ;
2. Алексей Николаев — Өлөөн
3. Прокопий Сергеевич Васильев — Өлөөн;
4. Дмитрий Борисович Федотов — Өлөөн;
5. Ариан Иванович Саввинов — Өлөөн;
6. Михаил Гаврильевич Никифоров — Өлөөн;
7. Алексей Уваровский – Өлөөн;
8. Конон Иннокентьевич Колодезников — Кирбэй;
9. Николай Аммосов — Кирбэй.;
II түһүмэх «Түптэ уматыыта»:
1.Людмила Азарова — Дьэлиҥдэ;
2.Федора Семенова — Дьэлиҥдэ;
3.Любовь Исакова — Дьэлиҥдэ;
4.Евдокия Николаева — Дьэлиҥдэ;
5.Валентина Алексеева — Дьэлиҥдэ;
6.Розалия Константинова — Кирбэй;
7. Марина Петрова — Кирбэй;
8.Варвара Камерова — Кирбэй;
9.Валентина Васильева — Ээйик.
II түһүмэх «Түһүлгэни ыраастааһын»:
1. Алина Егорова — Кирбэй;
2.Бэлла Турантаева — Кирбэй;
3.Жанна Комбагир — Кирбэй;
4.Дария Васильева — Өлөөн
5.Наталья Васильева — Өлөөн;
6.Евдокия Варламова — Өлөөн;
7.Айыына Оленева — Ээйик;
8. Элеонора Иванова — Ээйик;
9. Арина Соломонова – Ээйик;
10. Софья Игнатьева – Ээйик.
Өрөгөйдөөх үбүлүөйүнэн үөрэн-көтөн туран, Көмүс түгэни бэлэхтээтилэр Горнай улууһун
Солоҕоон нэһилиэгин аатыттан айар тлааннаах үҥкүүһүттэр уонна ырыаһыттар, бу бөлөх салайааччыта Өлөөн Солоҕоонуттан төрүттээх, өр сылларга Өлөөн Ис дьыалтын салаатыгар үлэлээбит оройуон культуратын сайдыытыгар кылаатын киллэрбит Максим Аммосовка уонна Ээйиктэн төрүттээх, билигин Чурапчы народнай театрын режиссера, кэскиллээх ыччаппыт, Ырыа куттаах мелодист-толорооччу Василий Николаев Өлөөн түһүлгэтин киэргэппиттэригэр истиҥник махтанабыт.
Өлөөн оройуонун Культура салалтатынаатыттан махтанабыт Улуу Туймаада тосхолугар киирбит Арт-марафон «Звени мой бубен во славу Мира, во славу Солнца» өрөспүүбүлүкэтээҕи күрэххэ кыттыбыт Кирбэй нэһилиэгиттэн Надежда, Конон Колодезниковтар «Хранители традиций» номинация хаһаайыттара буолбуттарынан итиитик истиҥник эҕэрдэлиибит. Өлөөн түһүлгэтигэр сэлэлии хаамсан киириигэ ыҥырыыны ылынан кэлбит биир дойдулаахтарбытыгар, Ытык Оһуохай оройуттан тутан, бу сүдү хартыынаны тэрийэргэ үлэлээбит Өлөөн оройуонун культуратын барытэрилтэлэрин үлэһиттэригэр, Ээйик бас-көс ыалын Күн Күбэй ийэҕэ, эйэҕэс Эбээҕэ Валентина Васильевна Васильеваҕа түһүмэхтэрбит дьоно-сэргэтэ толору буоларыгар оҕолорун, сиэннэрин киллэрбитигэр Барҕа-Баһыыба буоллун! Сүрэххит баҕатын сүһүөххүт уйдун, ааспыт кэмҥит астыннардын, кэлэргит кэскиллэннин. Махтанабын, биһиги тапталлаах Өлөөммүт оройуонун культуратын уонна духовноһын сайдыытыгар сүдү кылааты киллэрбиккитигэр!
Балаһаны бэлэмнээтэ
Өлөөн эбэҥки национальнай оройуон»
Культура салалтатын салайааччыта —
Надежда Николаева
Дьокуускай куорат
Бэс ыйын 30 күнэ 2025 сыл.
