Кулун тутар ый бүтүүтэ биһиэхэ Өлөөҥҥө Хаҥалас улууһуттан үс киһилээх эспедиция кэлэн үлэлээн барда, кинилэр сыаллара олохтоох Гаврил Платонович Семенов аҕата Платон Семенович Семенов – Ырыа Былатыан 150 сылыгар аналлаах материал хомуйан үйэтитии чэрчитинэн кини уолугар кэлэн ыалдьыттааатылар. Платон Семенович – Ырыа Былатыан олоҥхоһут, тойуксут, оһуохайдьыт эбит, 1875 сыллаахха Арҕаа Хаҥалас улууһун 2 Малдьаҕар (Бөртө) сиригэр Киппирдээннэр уустарыгар төрөөбүт. Кини Сергей Звереви кытта киэҥ сиринэн сылдьан 2-3 күнү быһа олоҥхолууллар үһү. Кини олоҥхолуур тыла күүстээх дииллэр үһү. 1947 сыллаахха 72 сааһыгар ССРС суруйааччыларын союһугар киирбитин туоһулуур боротукуол баар эбит.
Ырыа Былатыан айылҕаттан бэриллибит талааннаах Саха сирин үрдүнэн киэҥник биллибит ырыаһыт, олоҥхоһут, ол иһин да Гаврил Планович сиэнэ Астра хос эһэтин батан тылга сыһыаннаах буолан фантастическай кэпсээн суруйар эбит. Экспедицияны салайан илдьэ кэллэ Саха республикатын култууратын үтүөлээх үлэһитэ Лидия Васильевна Харитонова, оператор уолунаан уонна манна улааппыт, оскуоланы бүтэрбит Анна Яковлева-Гоголева кэлэн үлэлээтилэр.
