Ыллаа туой, уол оҕо!
Сүрэгин сылааһын бар дьоҥҥор тириэрдэ
Ыллаа- туой , уол оҕо!
Күүстээх сүргүнэн бар дьоҥҥун кынаттыы!
Ыллаа- туой, уол оҕо!
Олох оҥкулун үүннүү- тэһииннии!
Айаныҥ аргыардаах аартыгар
Уол оҕо, охтума
Саалаахтан сууллума!
Ыллаа- туой, уол оҕо,Үрэн Хоһуун дойдутун оҕото!
Бу дьыл тохсунньу 29 күнүгэр Александр Иванов аатытынан “Илкит” Этнокултуурнай кииҥҥэ Быйылгы күрэхпит Российскай Федерацияҕа Аҕа Дойдуну, Саха сиригэр Ийэ Дойдуну көмүскээччилэр, Өлөөн оройуонугар эбэҥки сылларыгар ананан XVIII оройуоннааҕы «Ыллаа-туой, уол оҕо-2025» ырыа күрэҕин буолан ааста. Бу күрэххэ нэһилиэктэртэн кыайыылаахтар кэлэн кыттан оройуоҥҥа күөн көрүстүлэр. Тэрээһиммитин иилээн –саҕалаан ыыттылар XVII “Ыллаа туой, уол оҕо!” Кылааан кыайыылаҕа Роберт Николаев уонна остуол тениһигэр оройуон чемпиона Миша Никифоров.
Ырыа түһүлгэтигэр 7-12 дылы саастаах кыттааччылар:
Сергей Кириллов (Дьэлиҥдэ), салайааччы Сандаара Протопопова
Юрий Семенов (Кирбэй), салайааччы Екатерина Кайдалова
Юрий Романов (Өлөөн), салайааччы Валерианна Тетерина
Вокальнай трио (Ээйик), салайааччы Полина Степанова
13-17 дылы саастаах ырыаһыттары:
Сарыал Полуэктов (Дьэлиҥдэ), салайааччы Светлана Дмитриева
Ян Корякин (Кирбэй), салайааччы Екатерина Кайдалова
Вокальнай Квинтет (Эйик), салайааччы Людмила Заболоцкая
Тэрээһиммит киирии тылын «Ыллаа-туой, уол оҕо» бырайыагы биһиги оройуоммутугар олоххо киллэрбит Надежда Прокопьевна Николаеваҕа – Российскай Федерация үөрэҕириитин туйгуна, оройуоннааҕы култуура салалтатын салайааччыта көрөөччүлэргэ иэйэн туран кэпсээтэ-ипсээтэ, кини кэпсээнин күрэхпит кыайыылаахтарын фотопрезентацията ситэрэн биэрдэ.
Күрэхпит дьүүллүүр сүбэтигэр киирдилэр араас сыллааҕы күрэх кыайыылаахтара, ол курдук бэрэссэдээтэл– Надежда Прокопьевна Николаева Саха республикатын култууратын үтүөлээх үлэһитэ, Ньургун Бурцев – Саха сирин мелодистарын Сойууһун чилиэнэ, Максим Афанасьев – IV оройуоннааҕы “Ыллаа-туой, УОЛ ОҔО” күрэх кыайыылааҕа, Өлөөн орто оскуолатын алын кылааһын учуутала, Владимир Бенчик – XII оройуоннааҕы “Ыллаа-туой, УОЛ ОҔО” күрэх Кылаан кыайыылааҕа, Петр Васильев – XIV оройуоннааҕы “Ыллаа-туой, УОЛ ОҔО” күрэх кыайыылааҕа.
Ырыа күрэҕин бастакы түһүмэҕэ уол оҕону патриотическай тыыҥҥа, анал байыаннай дьайыыга Аҕа дойдуларын көмүскүү сылдьар саллааттар холобурдарыгар уол о5ону иитиигэ, иккис түһүмэҕэ – Төрөөбүт дойдуга ананна. Эҕэрдэ музыкальнай нүөмэрдэри араас сыллааҕы кыайыылаахтар бэлэх ууннулар, ол курдук 2009с — Рустам Павлов, 2010 -с Петр Васильев, 2019 с- Владимир Бенчик, 2021с – Никифор Протодьяконов, 2023с – Федор Васильев, 2024с-Роберт Николаев.
XVIII оройуоннааҕы “Ыллаа-туой, уол оҕо” күрэхпит кыайыылаахтарын наҕараадалыыр сиэрин-туомун Надежда Прокопьевна билиһиннэрдэ уонна туттарда.
7-12 саастаах кыттааччылары: I үрдэл — Юрий Романов (Өлөөн), II үрдэл – Сергей Кириллов (Дьэлиҥдэ), III үрдэл Юрий Семенов (Кирбэй) кыайыылга дьулуурун иһин — Вокальнай трио (Эйик)
13-18 дылы саастаах ырыаһыттарга: I үрдэл — Ян Корякин (Кирбэй), II үрдэл – Сарыал Полуэктов (Дьэлиҥдэ), III үрдэл — Вокальнай квартет Ээйик.
Ульяна Никифорова, [30.01.2025 15:22]
Хас сылын аайы ыытыллар ырыа күрэҕин өйөөн, өйдөөн, көмөлөрүн биэрэр биһиги киэн туттар дьоммутугар, спонсардарбытыгар эбэҥкилии эйэҕэс махталбытын тиэрдэбит! Ол курдук, түөрт тыа сирин түөлбэтэ “Өлөөн национальнай нэһилиэгэ” баһылык Н.Н.Семенов, “Кирбэй национальнай нэһилиэгэ”баһылык В.В.Николаев, “Дьэлиҥдэ национальнай нэһилиэгэ”баһылык А.П. Егоров, “Солоҕоон национальнай нэһилиэгэ” баһылык солбуйааччыта Е.В.Кучарова, Х.А. Христофоров аатынан Харыйалаахтааҕы оскуола – сад, директор Х.П.Васильев, Ээйик орто оскуолата, директор М.В.Кучарова, Дьэлиҥдэ орто оскуолата директор А.П.Кучаров, оҕону эбии үөрэхтээһин киинэ, директор М.Н.Попова, А.Саввинова аатынан “Кэнчээри” оҕону сайыннарар киин, салайааччы А.Т.Петрова, “Чичипикан” оҕону сайыннарар киин, салайааччы В.П.Ушманова, Т.Л.Данилкина аатынан оҕо музыкальнай искусствотын оскуолата, директор И.А.Сергеева, ООО “Мобайл” А.И.Кириллина, “Аарык” этнокултуурнай киин, директор С.М.Дмитриева, Г.В.Николаева “Илькээни” этнокултуурнай киин, директортор К.П.Левина, А.С.Иванов аатынан “Илкит”этнокултуурнай киин, директор Ю.С.Ефимов, “Сандал” этнокултуурнай киин, директор Н.А.Степанова, II оройуоннааҕы “Ыллаа туой, уол оҕо” кылаан кыайыылааҕа Тимур Корякин уонна бу күрэх ыытылларыгар элбэх уол оҕону ырыа эйгэтигэр уһуйбут, бэлэмнээбит учуутал Л.С.Тихонова. Эһиги баар буолаҥҥыт Өлөөммүтүгэр маннык араас хабааннаах тэрээһиннэр буолаллар! Баҕарабыт Эһиэхэ саҥа күн үтүөтүн, ыра санаа кэрэтин, аламай күн сырдыгын, бары этэҥҥэ, чэгиэн доруобай буолуҥ!
Күрэхпит итэҕэһэ сылын аайы кыттар оҕолорбут аҕыйаан иһэллэрэ буолар. Манна оройуон оскуолаларын, оҕону эбии үөрэхтээһин тэрилтэлэрэ бары күүспүтүн ууран туран үлэлиэххэйиҥ, хамсыаххайыҥ! Уол оҕо кэскилбит, инникибит буоларын умнумуоххайыҥ!
Тымныы салгыннаах кыһыҥҥы халлааммыт Аар айылҕата араҥаччылыы, арчылыы туруохтун!