“Ыллаа-туой, УОЛ ОҔО-2026”- XIX оройуоннааҕы күрэх
Уол оҕо буоламмын
Мин хорсун куттаахпын,
Өбүгэм үгэһин
Ытыктыы улаатыам,
Айылҕам кэрэтин
Куруутун кэрэхсиэм.
Ийэ сир дойдубун
Харыстыыр иэстээхпин.
Уол оҕолор айар талааннарын арыйарга көмөлөһөр, сырдык суол аартыгын тэлэр, Российскай Федерацияҕа 2026 сыл Россия норуоттарын сомоҕоһуулара, Саха сиригэр Култуура, Өлөөн оройуонугар Экология сылынан XIX оройуоннааҕы “Ыллаа-туой, УОЛ ОҔО-2026” — патриотическай ырыа күрэҕэ олунньу 17 күнүгэр буолан ааста. Өлөөн эбэҥки национальнай оройуонугар 2007 сылтан саҕалаан, Уол оҕолор ырыа абылаҥар, музыка эйгэтин арыйарга, куолас эрчийэргэ уонна хорсуннук сыанаҕа тахсарга бэйэлэрин көрдөрөр, көҕүлүүр тэрээһин буолар. Ырыа диэн – дууһа тыына, сүрэх ырата, киһи ис күүһүн, сырдык санаатын көрдөрөр дьоҕур.
Сыалбыт: Уол оҕолорго ырыа искусствотыгар тапталы үөскэтии, айар дьоҕурун сайыннарыы, сыанаҕа тахсан бэйэтин көрдөрөрүгэр көмөлөһүү буолар.
XIX оройуоннааҕы «Ыллаа-туой, уол оҕо-2026» ырыа күрэҕин Уруйдаана Николаева уонна Миша Никифоров иилээн-саҕалаан ыыттылар.
Ырыа түһүлгэтигэр 7-12 дылы саастаах кыттааччылар: Кирилл Готовцев – Кирбэй, Байдам Николаева — Дьэлиҥдэ, Эрсан Быканов – Ээйик, Квартет “Дуолан”, Стас Федоров – Өлөөн, Кадарий Гоголев — Өлөөн, 13-17 дылы саастаах ырыаһыттар: Петр Иванов –Дьэлиҥдэ, Руслан Корякин – Кирбэй, Федор Васильев – Өлөөн, ырыа түһүлгэтигэр күөн көрүстүлэр. Бииртэн биир кэрэ куолас, арыллан эрэр талааннаах о5олор.
Күрэхпитин Ирина Анатольевна Сергеева – Саха республикатын култууратын үтүөлээх үлэһитэ, о5о музыкальнай оскуолатын директора, дьүүллүүр сүбэ бэрэссэдээтэллээх, Прокопий Иннокентьевич Павлов Саха республикатын култууратын туйгуна, Өлөөн эбэҥки национальнай оройуонун мелодиһа, Рустам Павлов Ыллаа-туой-2009 сыл кыайыылааҕа, “Илкит” этнокультурнай киин фолькло салаатын методиһа ырыаһыттарбытын сыаналаата. Кыра саастаах бөлөххө Кылаан кыайыылаах Стас Федоров (Өлөөн) буолла, лауреаттар Кирилл Готовцев (Кирбэй), Байдам Николаев ( Дьэлиҥдэ), Кадарий Гоголев (Өлөөн), кыайыыга дьулуурун иһин Эрсан Быканов (Эйик) уонна “Дуолан”квартет, 13-17 саастаахтарга кыайыы өрөгөйүн сүктэ Руслан Корякин ( Кирбэй), лауреаттар Федор Васильев (Өлөөн), Петр Иванов (Дьэлиҥдэ). Хас сылын аайы ыытыллар ырыа күрэҕин өйөөн, өйдөөн, көмөлөрүн биэрбит Кирбэй нэһилиэгин дьаһалтата (Николаев В.В.), “Чипичикан” уһуйаан (Ушманова В.П.), эбии үөрэхтээһин киинэ (Попова М.Н., оҕо музыкальнай оскуолата (Сергеева И.А.), “Илкит” этнокултуурнай киин (Семенов В.В.), “Илькээни” этнокултуурнай киин (Андреев М.Х.), “Аарык” этнокултуурнай киин (Дмитриева С.М.), “Сандал” этнокултуурнай киин ( Заболоцкая Л.В.), “Мобайл” маҕаһыыҥҥа (Кириллина А.И.) уонна эдэр талааннаах ыччаттар Христофор Христофоровка, Алексей Николаевка, биһиги киэн туттар дьоммутугар, спонсардарбытыгар эбэҥкилии эйэҕэс махталбытын тиэрдэбит! Эһиги баар буолаҥҥыт Өлөөммүтүгэр сыл аайы Уол оҕону өйүүр тэрээһиннэр буолаллар! Уол оҕолорбут куоластара хаһан да намтаабатын, ырыа-тойук эйгэтэ хаһан да уостубатын!
Баҕарабыт Эһиэхэ саҥа күн үтүөтүн, ыра санаа кэрэтин, аламай күн сырдыгын. Бары этэҥҥэ, чэгиэн доруобай буолуҥ!
