АРҔАА САЛАА
Зоя Иванова хоһооно, матыыба
Өлөөн Эбэ хотуҥҥа
Айан суола арыллан
Арҕаа диэки арахсан
Арылыйан көһүннэ
Хос ырыата: Арҕаа салаа, Арҕаа салаа
Арҕаа салаа, мин дойдум
Арҕаа салаа бэйэтэ
Араас дьикти көстүүлээх
Айан дьонун аахтатар
Айылҕалаах мин дойдум
Хос ырыата:
Үрдүк очуос хайалар
Үрдүү, үрдүү кэккэлээн
Үгүс эмтээх оттордоох
Үмүөрүһэн тураллар
Хос ырыата:
Ыраас дьэҥкир уутугар
Ыкса киэһээ буолуута
Сиэркилэлии килбэйэн
Сэбэрэтин көрүнэр
Хос ырыата:
Маннык тунал күннэргэ
Маҥан былаат буоланнар
Мааны кыыспын санатан
Үрүҥ түүннэр үүнэллэр
Хос ырыата:
Çîÿ Èâàíîâà-Àð5àà ñàëàà ìèí äîéäóì (Арҕаа Салаа)
